ویب ڈیسک—امریکہ کے معروف گولف اسٹار ٹائیگر ووڈز کی زندگی پر فلم بنانے کی تیاری جاری ہے۔
معروف امریکی شوبز جریدے ‘پیپل’ کے مطابق ‘ایمیزون ایم جی ایم اسٹوڈیوز’ نے مصنف کیون کُک کی کتاب ‘دی ٹائیگر سلیم’ کے فلمی حقوق حاصل کر لیے ہیں۔
پروڈکشن کمپنی ‘ایمیزون ایم جی ایم اسٹوڈیوز’ کے ترجمان نے ‘پیپل’ میگزین کو کیون کُک کی کتاب پر فلم بنانے کے رائٹس حاصل کرنے کی تصدیق کی ہے۔
مصنف کیون کُک کی کتاب ‘دی ٹائیگر سلیم’ دسمبر 2024 میں شائع ہوئی تھی جس میں گولف اسٹار ٹائیگر ووڈز کی زندگی اور ان کی کامیابی کی داستان بیان کی گئی ہے۔
فلم کی پروڈکشن سے متعلق سابق امریکی صدر براک اوباما اور ان کی اہلیہ مشیل اوباما کا نام بھی سامنے آیا ہے۔
اس معاملے سے باخبر ایک ذرائع نے بدھ کو خبر رساں ادارے ‘اے ایف پی’ کو بتایا کہ براک اوباما اور مشیل اوباما اپنی پروڈکشن کمپنی ‘ہائیر گراؤنڈ’ کے ذریعے ٹائیگر ووڈز کی بائیوپک پروڈیوس کرنے کے لیے بات چیت کر رہے ہیں۔
