لاہور(نیوز لیکس) پاکستان ہاکی فیڈریشن (PHF) کی فعال اور جدید حکمت عملی کے باعث ملک میں ہاکی کے کھیل کا سنہری دور واپس لوٹ رہا ہے۔ ایک طرف جہاں ملک گیر سطح پر قومی اور بین الاقوامی ایونٹس کا بلا تعطل انعقاد ممکن بنایا جا رہا ہے، وہیں پاکستان کی سر زمین پر انٹرنیشنل ہاکی کی مکمل بحالی کی راہ میں بھی تاریخی پیشرفت ہوئی ہے۔ پاکستان ہاکی بحالی پر ہاکی شائقین میں خوشی کی لہر دوڑ گئی اس کے علاوہ اسپورٹس حلقوں نے قومی کھیل کی ترقی و ترویج پر اطمینان کا اظہار کیا
بین الاقوامی ہاکی کی پاکستان واپسی:
پاکستان ہاکی فیڈریشن کی سفارتی اور انتظامی کوششوں کے نتیجے میں غیر ملکی ٹیموں اور کھلاڑیوں کا پاکستان کا رخ کرنا اس بات کا ثبوت ہے کہ اب پاکستان بین الاقوامی سپورٹس کے لیے مکمل طور پر محفوظ اور سازگار ملک ہے۔ ہوم گراؤنڈز پر بین الاقوامی میچز اور سیریز کے انعقاد سے ملکی شائقین کا جوش و خروش دوبارہ بحال ہو رہا ہے۔
غیر ملکی کوچز کی تقرری:
قومی ٹیموں کی تکنیکی مہارت اور کھلاڑیوں کی صلاحیتوں کو عالمی معیار کے مطابق ڈھالنے کے لیے پاکستان ہاکی فیڈریشن نے اہم پیشرفت کی ہے:
قومی مینز ہاکی ٹیم: پاکستان ہاکی ٹیم کی کارکردگی اور جدید فٹنس و ٹیکنیکس کو بہتر بنانے کے لیے عالمی شہرت یافتہ غیر ملکی کوچز کی خدمات حاصل کی گئی ہیں، جو ٹیم کو بین الاقوامی مقابلے بشمول ورلڈ کپ اور پرو لیگ کے لیے بہترین تربیت فراہم کر رہے ہیں۔
وومنز ہاکی ٹیم: وومنز ہاکی کی تاریخ میں نیا باب رقم کرتے ہوئے پی ایچ ایف نے خواتین کھلاڑیوں کی باڈی لینگویج اور بین الاقوامی ایکسپوژر کو نکھارنے کے لیے نامور غیر ملکی کوچ کی تقرری کی ہے۔ یہ قدم وومنز ہاکی کو نچلی سطح سے اوپر لانے میں میل کا پتھر ثابت ہوگا۔
تسلسل کے ساتھ نیشنل اور انٹرنیشنل ایونٹس:
فیڈریشن کی جانب سے جہاں سینئر اور جونیئر سطح پر قومی چیمپئن شپس کا انعقاد کیا جا رہا ہے، وہیں گراس روٹ لیول پر باصلاحیت نوجوانوں کی تلاش اور ان کی تربیت کے لیے منظم پروگرامز بھی جاری ہیں۔
پی ایچ ایف کا عزم:
پاکستان ہاکی فیڈریشن کے ترجمان کا کہنا ہے کہ “ہماری تمام تر توجہ پاکستان ہاکی کو اس کا کھویا ہوا مقام واپس دلانے پر مرکوز ہے۔ جدید کوچنگ انفراسٹرکچر، فارن کوچز کی تجربہ کاری اور تسلسل کے ساتھ انعقاد پذیر ایونٹس کے ذریعے ہمارے کھلاڑی عالمی سطح پر پاکستان کا پرچم بلند کرنے کے لیے تیار ہیں۔”
